Ish-këshilltari i Ilir Metës dhe ish-deputeti i LSI-së Ralf Gjoni, është thirrur në Prokurorinë e Posaçme.
Gjoni është paraqitur paraditen e sotme i vetëm në ambientet e SPAK, rreth orës 10:00 të mëngjesit të sotëm.
Ende nuk dihet arsyeja pse ish-këshilltari i Metës është thirrur në SPAK.
Ralf Gjoni para se të bashkohej me LSI-në ka qenë një ndër drejtuesit e organizatës “Mjaft”.
Ndërkohë që në zgjedhjet e 2009 ai u bë zëdhënësi i fushatës së LSI-së që në atë kohë drejtohej nga Ilir Meta.
Ai që nga viti 2012 ka qenë anëtar i strukturave drejtuese të LSI-ë, tashmë Partia e Lirisë, ndërkohë ka mbajtur dhe postin se Sekretarit për Marrëdhëniet me Jashtë në këtë forcë politike.
Po ashtu, Ralf Gjoni ka qenë këshilltari i Ilir Metës, kur ky i fundit ka mbajtur postin e Ministrit të Jashtëm, kryetarit të Kuvendit dhe Presidentit të Republikës së Shqipërisë.
